bunch of nonsense

i think, therefore I am (an RN)

gusto ko ng barbekyu! Abril 12, 2007

Filed under: food for my belly,onli pinoy ken rid dis,yada yada yada — nixinne @ 3:45 hapon

letseng buhay to. ang gusto ko lang naman ay kumain ng barbeque. yung authentic na barbekyu sa pinas. yung nabibili namin sa kanto ng asuncion at lakandula. grabe ginugutom tuloy ako. panis na yata ang kanin sa rice cooker. kailangan na namang mag-saing. ano pa bang ulam na puwede kong kainin? nagluto ako ng ginisang corned beef kahapon. nasa ref naman eh kaya hindi pa napapanis. pero gusto talaga ng barbekyu…

yun bang naaamoy mo yung usok na nagmumula sa pagpapaypay ng nagiihaw. manamis-namis sa pang-amoy at nagpapatagaktak ng pawis mo dahil nakatapat ang kakarag-karag na bentilador sa harap ng ihawan. nakikita ko pa ang tumutulong mamula-mulang sarsa na ipinapahid ng nag-iihaw sa baboy na tinuhog sa stick. naglalaway na ako sa imahe ng barbekyung aking inaasam-asam. hmmm… parang nalalasahan ko na nga sa sobrang kaiisip tungkol dito! nakikini-kinita ko pa habang dahang-dahang inaabot ng matandang nag-iihaw sa aking mga kamay ang barbekyu na medyo sunog pa ng kaunti sa dulo. napapalatak ako habang inaabot ang napakasarap na barbekyu. mainit sa pandama ng aking kamay ang supot ng barbekyu at… ay naku! tumulo pa ang manamis-namis na sarsa nito! ummmm…nakikita ko sa aking gunita na mahigpit ang aking pagkakahawak sa mainit na barbekyu. kailangan ko pang gumawa ng sawsawan at siguraduhin na mainit-init din ang mabangong kanin na milagrosa. naalala ko pa na amoy pandan ito pag naluluto na! kumuha ako ng platito. nagtaktak ng puting suka at toyo. kumuha rin ako ng bawang at akin itong dinikdik sa dikdikan. naamoy ko pa ang amoy ng bawang. matinidi sa pang-amoy ngunit hindi katulad ng sibuyas na aking binabalatan. sumisiring sa aking mga mata ang amoy at ang nakakapagpaiyak na karakter ng sibuyas. naalala ko na masakit sa mata! pero patuloy na ginawa para mabuo ang sawsawang aking ninanais para sa barbekyu. pinagsama-sama ko sa platito ang suka, toyo, bawang, sibuyas, kaunting asin at paminta. nagmamadali akong umupo sa silid kainan. nakataas ang isang paa na tulad ng isang tunay na probinsiyana. pinusisyon ko ang aking hinugasang mga kamay para damputin ang kanin at ang barbekyung aking inaasam asam. sinawsaw ko muna ang barbekyu sa aking malasang sawsawan. nagsabay-sabay sa aking panlasa ang tamis, alat, asim at init ng barbekyu. sinundan ko ito ng medyo malatang kanin . nginuya-nguya ko silang magkakasama sa aking bibig. handang -handa na akong lunukin ang napakasarap na kumbinasyon ng pagkaing pilipino nang …

letse talagang buhay to…nangangalam na ang sikmura ko e nangangarap pa ako ng gising..hay buhay… ang meron lang ako e recipe…bwisit…BWISET!!!

2 lb. pork loin or shoulder
1 tbsp. black pepper
1 c. soy sauce
1 c. vinegar
1 c. brown sugar
1 head of garlic
1 lemon
1 can 7-Up
Chili peppers

Advertisements
 

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s